كلمات يا رايح دحمان الحراشي - كلمات اغاني
دحمان الحراشي • سنة 1973
يا رايح
يا رايح وين مسافر تروح تعيا وتولي
شحال ندموا العباد الغافلين قبلك وقبلي
شعال شفت البلدان العامرين والبر الخالي
شعال ضيعت وقات وشعال تزيد مازال تخلي
يا الغايب في بلاد الناس شعال تعيا ما تجري
بيك وعد القدره ولا الزمان و انت ما تدري
يا رايح وين مسافر تروح تعيا وتولي
شحال ندموا العباد الغافلين قبلك وقبلي
علاش قلبك حزين وعلاش هكذا كي الزوالي
ما تدوم الشده و ايلا بطيت اعلم واكتبلي
ما يدوموا ليام ولا يدوم صغرك وصغري
يا حليلو مسكين الي خاب سعدو كي زهري
يا رايح وين مسافر تروح تعيا وتولي
شحال ندموا العباد الغافلين قبلك وقبلي
يا مسافر نعطيك وصايتي اديها عالبكري
شوف ما يصلح بيك قبل ما تبيع وما تشري
يا النايم جاني خبرك كيما صرالك صرالي
هكذا راد و قدر في الجبين سبحانو العالي
يا رايح وين مسافر تروح تعيا وتولي
شحال ندموا العباد الغافلين قبلك وقبلي
معلومات عن يا رايح دحمان الحراشي
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد