كلمات يابو ضحكة جنان فريد الاطرش

يابو ضحكه جنان مليانه حنان

اضحكها كمان وكمان

يابو ضحكه جنان

خليك فرحان واضحك على طول

لك ضحكه جنان شئ مش معقول

تشفها الروح عمرها بيروح

وتخش القلب مع الف رسول

لها صوت بيقول انا مش مسؤول

لو حد اتحير او بات مشغول

واضحكها كمان وكمان وكمان

يابو ضحكه جنان

ضحكتك الحلوه شوف رايحه لفين

نطقت فى خدودك على تفاحتين

ولاول مره تشوف العين

الفاكهه بتطرح على عود ياسمين

والروح والعين تاهوه الاتين

يلاقوها ياقلبى منين ولا منين

واضحكها كمان وكمان

يابو ضحكه جنان

الدنيا بحالها فيها ايه له امان

غير قلب حنين يجمع الخلان

على ضحكه تنور ليل الحيران

والنبى تضحكها

ياابو ضحكه جنان

قلبى الولهان محتاج لحنان

املاله يا روحى وخليه عطشان

واضحكها كمان وكمان

يابو ضحكه جنان