كلمات رياض العز مجموعة فنانين

على رياض العز يا طيب الوصول

دار مقر المجد بين ركونها

ديره هل الوقفات وكبار العقول

شيوخ نجد اللي ثنوا من دونها

يوم ان ابن فيصل على شداد الذلول

اقبل بوجه الموت لجل عيونها

يا نجد ما انتي مكسب لدنات هول

لو المنايا تنطحك بقرونها

ياللي على متنك ثقيلات الحمول

يمناك يا كثر الذي يرجونها

في الارض لك هيبه وتقدير وقبول

والكلمه اللي حاضرك مضمونها

اللي بنى مجدك قبل خمسين حول

الين صرتي قصه يرونها

سلمانك اللي ما ترك لعداك قول

خلى معادينك تخيب ظنونها

يدراك ومحمد على الطاله يطول

رقى بك اللي ما قدروا يرقونها

نزول ما يعرف بهالدنيا نزول

غر السحايب دافع عربونها