كلمات هالحلوين كتار زكي ناصيف
هالحلوين كتار
هالحلوين كتار كتار
بيناتهن قلبي محتار
ما بلحق استحلي بعين
حتى تاني عين تغار
باستحلي بهالعين شقرا
بعيونها شارد موال
سادل عالكتفين شعرها
شلال يساير شلال
بتسرق تاني عين زهره
من الخد ال عمره ما انطال
ولما بترمي العين نظره
ما بتعرف اختها شو صار
باستحلي بهالعين سمرا
مشيتها مشيه غزلان
ع مفرق ليلين شعرها
بيضيع البدر بنيسان
بتسكر تاني عين سكره
من سحر الجفن الدبلان
وبين البدر وبين عمرها
مش فارق بالعمر نهار
باستحلي وبيطير قلبي
وبيفرفر من ايد لايد
باستحلي وبيصير دربي
يوديني مشوار بعيد
ويا طولها بتصير غربه
وياريت عيوني بتحيد
درب الحب كتير صعبه
مازال الحلوين كتار
المشاهدات4
معلومات عن هالحلوين كتار زكي ناصيف
سجل دخول لرؤية تفصيل العمل و إمكانية نسخ الكلمات
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد