كلمات وصلتي ياسمين علي

واحشنى حد يقولى

ايه طمنينى وصلتى

وف زعلى منه يقولى

مقدرش تبقى زعلتى

ارتاح له ولافكاره

ولجده قبل هزاره

و احس فيه من عيلتي

مايكونش عقله صغير

ولا جى فيا يغير

ولا جى يتقل شيلتى

يفضل دايما حواليا

مايسبنيش وانا تعبانه

ومااباتش دموع ف عنيا

ماينيمنيش زعلانه

يسمع وانا بحكى مشاكلى

يشاركنى ف كل حكايتى

اهتم عشانه بشكلى

وارجع احبنى ف مرايتى

انا عايزه حد حنين

مايجيش عليا يزود

م الاول ابقا بحبه

مش احبه لما اتعود

طريقته تبقا مريحه

يجبرنى ابقا صريحه

مش اصارحه علشان لازم

عايزاه يكون ويايا

ظهر وسند وحمايه

اكتر كمان م اللازم