كلمات واقف قصيدي احمد الخليدي

واقف قصيدي وكن رموشك الجمهور

غمضت عينك و كحلك اسدل ستاري

ياللي على شباك حلمي وحدك الطابور

عايش على دوري وحلمي واكبر اسراري

ما فيه غيرك ولا غيرك ابيه حضور

ما عندك الا شوق لهفه على اخباري

واجيك متواضع ولا فيني عليك غرور

لني احبك واعشقك يااطيب اقداري

يا نور شمس النهار ان شع فيه النور

يا ثلج راس السنه يا ويل تذكاري

تذكاري اللي يناديني وانا مقهور

مابين وحده وغربه شبتي وناري

احط راسي على همي وارضي تدور

فوقي شهاب وكوكب ونجم انواري

يضحك ظلام وليل ويبكي مسا ديجور

يالله عسى حسن الختام باخر امتاري