كلمات اعدل الحس دنيا بطمة

ادري بانك هنالو كنت ما اشوفك

يا اعدل الحس حسك ظالم الليله

وشلون اشوف المدى لا عيت ظروفك

هديت حيل السهر ما هدني حيله

وشلون يرقص مزاجي بغيبت دفوفك

وشلون يضوي العتم من غير قنديله

جيتك بحبلي وابي الفزعه من اكتوفك

جيتك بشوق وصل فيني مواصيله

جيتك وخوفي عليك يطمنه خوفك

جيتك بقلبي لقاه قلبك تفاصيله

انا وليلي ضيوفك اكرم ضيوفك

قم صب وصلك قبل هزت فناجيله