كلمات حضن مطار سلمى عادل

مش هطلب منك اي كلام

ولا هتعلق بوعود

انا مش هشحت منك احساس

او حب مهوش موجود

انا مش هستني تشوفني قرار

وافضل بتمنى انك تختار

ولا تعوضني بحضن مطار

علشان مش ناوي تعود

انا قلبي معاك مش ناوي

يفضل في متاهه ودايره خوف

مش عايزاك فيا تداوي

او تعمل بمشاعرك معروف

ربنا يسعد ايامك

والحظ يكون احسن وياك

وعن نفسي انا واخده قراري

وقراري الصح باني انساك

مش فارقه معايا تحس بايه

ولا ليك جوايا رصيد

لو قربك جنه انا مش عايزاه

هختار البعد اكيد

انا قيمتي كبيره وراسي لفوق

وكرامتي دي ليها عليا حقوق

وعشان كده همشي بكل هدوء

من غير ما اعيد ولا ازيد