كلمات يا ليل عيضه المنهالي

ياليل ماخذني على وين

شوقي على جنحك سرابي

ياليل لا يبطي بي البين

محتاج له عقب الغيابي

شوق الوله من خلف ضلعين

ينبض به القلب الشبابي

وين انت ياعم المزايين

الجو من عقبك ضبابي

يامن جمالك مدهش العين

زينك و ملبوس الثيابي

تكبر و زينك ينرضف زين

من يوم لفيت الحجابي

عودك قسمه الخصر نصين

منحوت من هب الغرابي

واللي عليه الحق والدين

خذ مالخصر اجر و ثوابي

ان ملت مال العالم يمين

مالوا بلا حس و صوابي

سحرتهم بالسحر لمبين

ماكن توطى ع الترابي

تمشي وخلفك صفق ليدين

و لخطوتك يحسب حسابي

مريت بستان الرياحين

و ارويتها عذب الشرابي