كلمات ليل باريس رولان

ليله وتسوى بالغلا الف ليله

تنور بها باريس من نور غالين

سيل الفرح غطى على وبل سيله

يمطر من الفرحه زهور ورياحين

جمال ساره في البيوت الجميله

بقدومها ترسم على الشوق حرفين

لمحمد اللي نافل كل جيله

وريث مجد خلدته الدواوين

وابوه كساب العلوم النفيله

فيصل كبير الجاه طلق الحجاجين

وابوك ياساره فعوله جزيله

محمد اللي بالشدايد ونعمين

الليل ياساره يفل الجديله

ومن طلتك ضيع جميع المزايين

تبختري يام الرموش الظليله

اغلى الليالي فيك ياساره تزين

جالك محمد والمحبه دليله

وكنه يقول انتي على الراس والعين

فرحه لقاكم بالسعاده كفيله

ماقبلكم صاروا ولا كانوا ثنين

كل القلوب الطيبه والنبيله

تدعي لكم بالخير ونقول امين

والليله الليله عن الفين ليله

تنور بها باريس من نور قلبين