كلمات قرار شخصي رقم واحد حمزة نمرة

قرار شخصي رقم واحد

وما تفكرش تحاسبني

انا مش هجري ورا حاجه

عشان اعصابي محتاجه

اعيش بطريقه تناسبني

باصالح نفسي على نفسي

وماشي العمر تدريجي

وباخد سكتي عادي

مافيش احلى من العادي

وتيجي زي ما تيجي

محصله بعضها الدنيا وفرقها مش مهول

ولو سالوني يوم عنها انا مضطر اقول

مافيش حاجه بتستاهل اكون فرحان اوي جدا

اكون زعلان اوي جدا

اكون قلقان اوي جدا

وباتصاحب على الايام

وييجي الليل وقبل ما انام

افكر عايز ايه تاني

اقول ولا حاجه نقصاني

انا مرضي وكله تمام

يهل النور اقول سلامات

بحب اللحظه دي بالذات

تعالي يا دنيا نتسابق

ومين يكسب ماهوش فارق

بتشبه بعضها الحكايات

تبوخ دنيتي اضحك ولا باسالها ليه

وبسال نفسي لما اكسب

خسرت قصاده ايه

مافيش حاجه بتستاهل اكون فرحان اوي جدا

اكون زعلان اوي جدا

اكون قلقان اوي جدا

ما باهربشي واهرب ليه

انا اخترت الحياه تتعاش

وباتعلم طريقي منين

وما تعلمتهاش ببلاش

ما خليش حاجه تملكني

ولا حاجه تبكيني

ولو جت حاجه تجرحني

هييجي يوم تقويني