كلمات شايل عيون رعد الناصري و نصرت البدر - كلمات اغاني

اويلي شايل عيون

سبني بنضره وحده

ومثل كمره سمه بليل

الشامه الفوك خده

غالي وتسوه دنياي

منه نظره وحده

شسولف شعجز احتار

صفات هوايه عنده

العطر اللي بثوبه فواح

مشالت مثله ورده

والطول يشبه السيف

من الجهتين حده

عسل لا عنه ماكول

العسل هوه يقلده

والله اتمنى اخفيه

وعن الناس ابعده

رزق هذا والي صار

اشكره الله واحمده

اجاني وعوض هواي

الفراغ بروحي سده

لو باعصابي بركان

اشوفه وراسن اهده

برايكم بالكلب هاذ

منو غيره اكعده

بشر من كلشي محبوب

صفاته عالميه

واحسه محور الكون

واساس الجاذبيه

من كد ما ترف حيل

ورقيق ببين اديه

من اكول اسمه

فراشات احسهه تطير بيه

حلو بكل التفاصيل

فرق عن البقيه

يبث لروحي احاسيس

اذا يباوع عليه

هديتي وماكو بالكون

مثل هيجي هديه

بعد كلشي اني ماريد

مدام احنا سويه

نقطه ببحر والله

كل الكلته عنه

راقي وطيب هواي

جنه كلوب اهلنا

شسولف عن الاخلاق

والحب والمحنه

احس هوه اول انسان

الجمال يغار منه