كلمات سيما علي لوكا
سيما
مشيت فى سكه و قلت الصح
عملت خير و رميته البحر
و عمرى ضاع على ناس مش صح
قلوبها سوده و زى الفحم
و انا اللى لافف كتير فيها
معملتلهاش قيمه
حياتى فيلم دراما بيضحك
مش هتلاقيه غير فى السيما
لكن مفيش منى اتنين
متهزنيش الايام
مبسوط حزين فى الحالتين
مسبتهاش الاحلام
و ادى اللى صار
بعيش صراع
بحر الحياه
بشوف شراع
مفيش هزار
مفيش ندم
على اللى ضاع
عديت بكتير و قلبى شاف اه
مندمتش يابا ع اللى فات اه
الدنيا خدتنى دوامات اه
منسيتش و عارف مين انا اه
و انا عندى رب اسمه المعين
ياما قلتلك متخافيش
مهما الدنيا دى ترمى فى هموم
ابنك شايل مبتهدنيش
بتميل بحيطانها و ما نميل
و ان قلبى اتكسر هرميه
لو سكه تقفل مش بنغفل
فايقه دماغنا و فينا حيل
مين انا واحد من خلق الله
لو مهما تضيق الايام
مش راضى يعيش معاناه
مش متفقين يا ناس
فى الدنيا انا سواح
بجرى ورا الاحلام
مجنون بيدور على ليلاه
فا صعب نبقى زى بعض يا صاحبى
اللى قدامك ده جاى من الموت
انا عشت فى ليالى بغنى لنفسى
و محدش سامعلى انا صوت
و الناس تسالنى ايه النظام
بتضيع فى وقتك حرام
و انا ابص بابتسامه
و اجمع فى نفسى من جوه الحطام
عديت بكتير و قلبى شاف اه
مندمتش يابا ع اللى فات اه
الدنيا خدتنى دوامات اه
منسيتش و عارف مين انا اه
تفاصيل عن سيما علي لوكا
اداء:علي لوكا
كلمات:علي لوكا
مكساج:اسامه طارق
السنة:2025
ملاحظات عن العمل
توزيع وكلمات : Barri .
ماستر :Marwan Samy .