كلمات نصف صوره عبدالله السكيتي

وقتن مضى اقفى بعطره ونوره

فيه السما كانت لنا تمطر ازهار

على لحون الحب غنت طيوره

كانت عروق قلوبنا للغنا اوتار

وقتن غمرنا في هناه وسروره

فيه الصور كانت لنا خير تذكار

ومن بينها صوره توثق ظهوره

جنبي باجمل صوره تسر الانظار

ودار الزمن فينا بالاقدار دوره

ولقيت صورتنا و شي لها صار

اليوم صورتنا غدت نصف صوره

مالي ملامح وسطها ومالي اثار

طاحت بعد ماغيري اثبت حضوره

مثل الخريف ان طيح اوراق الاشجار

لكن خفوقي ماتغير شعوره

حتى ولوهو تم تبديل الادوار

الله يسهل في حياته اموره

وعسى الهنا في دنيته مثل الامطار

لو زال زهر الحب تبقى جذوره

الحب مايمحى ولو صار ماصار