كلمات جفن الليل انس خالد - كلمات اغاني

يطيح جفن الليل واهز كتفه

نجم يفز وباقي الليل مطفي

واحاكي الجدران عن مثل غرفه

ماتشبه الجدران ويطول وصفي

وتثاوب الجدران واظهر لشرفه

تحت السما واسكر الباب خلفي

ريح تهب وتسكن العظم رجفه

وتموت ريح وتسكن اوراق نزفي

فوق الفيافي تهطل دموع وطفه

وتصب لمع بروقها وسط طرفي

ياطاري الغدران والعمر رشفه

مع قلها ياليتها يوم تصفى

ليت الشوارع تجمع اثنين صدفه

لا صار شباك المواعيد مجفي

الحب واجد مير الاقدار صلفه

والارض واجد لكن العزم منفى

واللي اعرفه راح مانيب اعرفه

ولاظن يذكرني الى اقبلت مقفى

ماهو حبيبي مورد القلب حتفه

ولا هو حبيبي يفرح بوقت ضعفي

مر ثمر هالليل وامر قطفه

يالحنظل اللي صرت اذوقه بكفي

هذا وتو الليل ماراح نصفه

وياليل بعض اللي مضى منك يكفي