كلمات الشمس الجريئة حنان ( حنان محمد ) - كلمات اغاني

الشمس الجريئه والنسمه الرقيقه

والضحكه البريئه للموجه الشقيه

في بحور اسكندريه وحشانا يا حبيبي

بنحب البحر وننزل يحضنا الموج بموده

ونحب الشط ونعمل من الرمله الناعمه مخده

وبسرعه الوقت بيجري نتقابل بكره بدري

نفتح بالشوق شمسيه شمسيه يا حبيبي

الفرحه واجمل مطرح كورنيش اسكندريه

واحنا بنتمشى بنلمح ضحكه قلبنا في الميه

والشمس في المغارب بتواعد الحبايب

وتقول من بدري جايه جيالنا يا حبيبي