كلمات وريث الامجاد محمد عبده و راشد الماجد

من هو شراتك ياوريث للامجاد

شيخ به التاريخ تفخر سنينه

بو خالد اللي للوطن درع وعتاد

الدار تحيى بين قلبه وعينه

خليتنا في شامخ العز رواد

واهديتنا قلب نحن ساكنينه

لك طيبه جادت على كل الاجواد

مسحت بايدك كل دمعه حزينه

شوفتك صارت عندنا فرح و اعياد

ومحبتك وسط الضماير دفينه

الجود من كفك غمر كل البلاد

ترهي عطاياها مدينه مدينه

ما كنك الا الغيث للدار ينقاد

تمطر من حقوق السحايب معينه

ما فيه مخلوق على طيبتك زاد

تجهل يساره عن عطايا يمينه

اتسامح المخطي اذا جاك قصاد

وترحم ضعيف قد تزايد ونينه

انته سناد للذي ماله سناد

وانته شفا للي وسط صدره غبينه

يارحمه ربي عطاها للعباد

نعمه عليها كلنا حامدينه

عساك ياشيخ الشغاميم تزداد

من فضل رب فالسما عابدينه