كلمات زفة وجه السعد راشد الماجد

بالعرضه ميلي يالسيوف

اليوم ذا يوم السعد

واتلامعي بين الكفوف

لا من لفا وجه السعد

وقلوبنا حوله صفوف

متوافده اتهنيي سعد

هذا الوفي سمح الوصوف

هذا سمي جده سعد

من ساحل الشرقيه يا ليل الافراح

زفي التهاني لين نجد العذيه

وهني اللي وجهه يشبه الضي لا لاح

يتباشر الليل بمجياه و ضيه

سعد سليل الطيب كساب الامداح

ابن فضل شبيه جده و سميه

نجل الكحيلان اللي من وين ما راح

عزيز و تشهد له تميم الابيه

هالليله لو للفرحه في قلوبنا جناح

طارت تهني الناس روحه و جيه

يكفيها فرحه لولوه عز و وشاح

بشوفه بكرها وهذي اجمل هديه

مبروك وبكبر السما و عد ما طاح

غيث سقا الارض و نفوس البريه

يستاهل اللي بوجهها نور الاصباح

اخت الرجال الاكرمين الوفيه

عبيرها بالزين والطيب لا فاح

تبهرك بين اخلاق و طله بهيه

الهي يغمر قلبهم سعد وافراح

و خير و توافيق و حياه هنيه