كلمات حلمي الغالي انوشكا

قلبي سحابه رقيقه

بترفرف على باب بكرا

شايله خيال وحقيقه

واماني زي المطره

بحلم بالحب الصافي

يظهر في عيون الناس

بحلم بالخير الدافي

على كون مليان احساس

انا ماليه القلب هدايا

للعالم كله بحالوا

و منايا كل منايا

لو اقدر اغير حالوا

بسمه و لقمه هنيه

ايام من غير احزان

نقطه ندى مرويه

بسلام و بخير و بامان

و خيال منقوش بحقيقه

انا قلبي سحابه رقيقه

حلمي الغالي واخذني لفين

سابق عمري و زمني سنين

الكون يضم ايدين بايدين

والارض تلبس طوق ياسمين

ده العالم حيكفينا

من غير فروق في اللون

و سلامنا حيخلينا

عايشين اخوات في الكون

اه ياريتني اشوفه حقيقه

انا قلبي سحابه رقيقه