كلمات مره محمد علي

يا من فتن هالقلب و اصبح بامره

قلي متى هالعين تهنى برؤياك

طال البعاد و غيبتك لي مضره

اتعبتني و اهلكت محبوبك اهلاك

باغتني بالحب و بحين غره

ما كان في بالي احبك و لا اهواك

خذيت قلبي يم قلبك تجره

صارت حياتي ماشيه حسب دنياك

حيرتني مره و مره و مره

مديت لك يمناي و ابعدت يمناك

للحين باقي و حيرتي مستمره

لو انت تبغاني مثل ماني ابغاك

الشوق لك فيني غدى مثل جمره

تكوي وتحرق بالحشى بعد فرقاك

الحب حلوه معك يشبه لمره

لاني معاك و لا قويت اني انساك

ياليت لو حنت عيونك بنظره

و افرحني بطله و مبسم محياك

ماتشوف حالي كيف يرضيك كسره

الليل كله مشغل البال ذكراك

مسكين قلبي عظم الله اجره

يصبر على حبه و على شوق لقياك

حتى العدو ما صار حالي يسره

ارحم حبيب ميت في سجاياك