كلمات فلتر محمد حليم

من النجمه مظبط حالي

علشان هالبس لغالي

وخلاص هقابلها بقالي

شهرين على النت عارفها

وفي ثانيه انا رحت معادي

وصورتها الحلوه قصادي

مستني عليا تنادي

ولاول مره بشوفها

طلعت فلتر في الاخر

مكياج من النوع الفاخر

الموقف فعلا ساخر

شكلي ادبست خلاص

ويا فرحه اوام بتضيعي

مطلعش جمالها طبيعي

اقرار مني بتوقيعي

انا اتغفلت يا ناس

الشعر الاصفر صبغه

وحواجب زي الدمغه

اسم الله عليها النبغاء

عايزه تلبسني في حيط

ورموشها كمان تركيب

واللاينسس شكله غريب

ياجماعه الوضع مريب

ده انا والله اتخضيت