كلمات متفصله على الجرح هايدي موسى

متفصله على الجرح ظابطه و بالمقاس

و تايهه يمكن عامله قاصده كده و خلاص

جوه سجني و وحدتي

انا بلقى نفسي وقوتي

واي ضعف من ناحيتي

يبقى انعكاس

كام واحده فيا انا عشتها

انا كل حاجه و عكسها

اوجاعي هي نفسها

اللي بتقويني

مابقاش في شيء فارق معايا

ومن حكايه بروح حكايه

ببص لنفسي في المرايه

ومش بلاقيني

لو فرحت في حلمي تصدمني الحقيقه

واعرف منين انا اللي جانيه او بريئه

مين اذيته غصب عني ومين اذاني

كلنا ظالمين ومختلفه الطريقه