كلمات لحظات نايف البدر

لحظات ودك طول الايام تنعاد

لحظات لقيا تفيض فرح و سعاده

لحظات مع خلك و عجله و بالكاد

تنسيك همك و الشقا و النكاده

البارحه قلبي ارتوى مزون و ازداد

ديم سقاها من سحايب وداده

في شوف من حبه تعدى بي و ساد

و نوره يجلي هم ليلي و سواده

غلاه عندي بواد و الكون في واد

سبحان خالق منزله و انفراده

ي الله جعل الحظ في عمري ان جاد

يصير لقيا امس دايم و عاده

صدفه و كانت دون حسبه و ميعاد

و لخافقي عن كل حلمه و مراده

شوفه يلم اشتات يا كيف لو عاد

غريب و ابغى مستقري بلاده