كلمات ليش تسال شمه حمدان

ليش تسال عن غيابي وانقطاعي

غبت بمزاجي ولي رجعه قريبه

لمزاجي ولا عصاه موج شراعي

واللي في بالي اجيبه راح اجيبه

كل منا في حياته له مساعي

حد ياخذها بالطوع وحد غصيبه

وانا اخذت الي ابيه و الوقت واعي

و الزمن ما يوم حطاني بجيبه

من تحداني التحدي من طباعي

و الوفي خذ ماي عيني يذوق طيبه

حتى شوقي مو كفو يلوي ذراعي

وقلبي ما طع راسي ويش ابي به

خذ رسالة من طموح بدون ساعي

بالقصيد الي عجز نقده يعيبه

ماني من اللي حضوره دون داعي

ولاني من الي غيابه ينتهي به