كلمات اعيشك حلم ابراهيم الغانم

وجيت الحين

تسالني عن احوالي

وانا من بعدك الميت

ونبضه حي

اعزي نفسي

بحرفي وانا مالي

خيار من الهجير اللي جفاه الفي

يا كم مره رسمتك يا بعد امالي

تخيلتك تبدل ظلمتي بالضي

تفرح خاطري صوره بجوالي

انا وياك ويدينك معي في ايدي

اعيشك حلم

لكن وان وعا بالي

اعرف اني وحيد

لا تحقق شي

وجيت الحين

يساورني

شعور وصار من تالي

اكابر وابتسم لكني فيني شي

صدا صوتك احسه

احسه دوم يبرالي

طلبتك لاضعف قلبي

بوجهه عي

دفعت بغيبتك عني ثمن غالي

كثير اللي خسرته لا تظن شوي

رفيق الجرح لو يطربك موالي

انا تايب عن دروب الهوى والغي

ابي اسلا انا

من حالتي وحالي

انا ما عاد ابيني لك

ولا اني لي

وجيت الحين