كلمات العيون الساحرات عبدالمجيد عبدالله - كلمات اغاني

في جمالك من يلوم الشعر لو حس بقصور

او تعثر بين حسنك والعيون الساحرات

وانت ياللي لك حضور يحبس انفاس الحضور

وابتسامه من حلاها تختصر عشره بنات

اي وصف واي مدح واي احاسيس وشعور

تنصفك يالعذبه وانتي جامعه كل الصفات

ناعمه قد وجديلك ليل ومحياك نور

هاديه مثل النسيم وضحكتك سكر نبات

وحدك اللي لا حكيتي فاح الاصلي من البخور

وحدك اللي لا سكتي يا بخت حتي السكات

طلتك مثل السعاده فيها شي يبعت سرور

تدخل القلب وتشع الطيبه في كل الجهات

اه لو تدري الصبايا فيك وايش راي الزهور

وكيف لو مر بيها زينك تسال الله الثبات

والا كيف ان المرايا تشعر بفخر وغرور

لا انعكس وجهك عليها وامتلت حسن وحلات