كلمات لغيت الكل شاكر ابراهيم

لغيت الكل بقيت انته تشاركني مع اوقاتي

وتسرقني من الزحمه حواليني وانا ادلك

كثر ماجابك الواقع خذوا العدوى خيالاتي

واحسك اصعب احلامي الكبار وانت ياسهلك

معك ياحلو نظراتي ودمعاتي وضحكاتي

بتشبه لي او اني صرت كثر ماهواك اشبهلك

احس الوقت يتسارع اذا شفتك ونبضاتي

واحس بلمسه يدينك تقول اهدا على مهلك

احبك قد ما الكلمه تسابقني على شفاتي

من اللهفه تبي قبلي يا اعز الناس توصل لك

يا ناتج جمع اشيائي القليل وكل حاجاتي

يا اكثر من قدر يملى فراغاتي على قلك

معك لو ضاقت الدنيا وخربت كل علاقاتي

يا اول واخر احبابي محد بعدك ولا قبلك

كفايه لو تجي بعضك ابلقى فيك غاياتي

تخيل عاد حالي شلون لو مره تجي كلك