كلمات ثوب الوفا محمد الشحي

ياصاحبي من قبل لا تقول ضايق

راجع حساباتك في بعض الخلايق

لاتغرك البسمه ولا تامن الوقت

بوصيك واسمعني وكلها دقايق

حب المحب وقدراللي يقدرك

وبعد بنفسك عن امورن تكدرك

والشخص لاتعطيه عن حقه اكثر

ثوب الوفى ماهو على الكل لايق

كلن على مرساه يرمي حباله

ل اللي يباله بالسعاده سعاله

لاتشره ولا تحرق الصدر ضيقه

اللي يبيك يجيك رغم العوايق

لاما تعذر وعتذر في ظروفه

يقول لك مشغول وانته تشوفه

هذي الحقيقه وانكشف لك قناعه

وبعض الحقايق وقعها كالحرايق

تابع طريقك واللي فالقلب في القلب

ل انسان بفعاله و لخلاق ينحب

وش عاد مالدنيا بناخذ معانا

لاتكدر الخاطر ولا تظل ضايق

عانق سحاب الطيب من فوق قمه

وخل الردي مرده يصك فمه

مايوجع الحساد الى نجاحك

بذات لا شافوك ياصاح رايق