كلمات زنوبيا فيروز

زنوبيا

زنوبيا زنوبيااسمعي يا زنوبيا اسمعيابواق الرومان عم تعلن نهايه تدمرتدمر يا نجمه المشارقحاصرتك روما واستشهدوا ابطالكلبصرى عم ينسمع نحيبك يا طفله الممالكاهربي يا زنوبياعالخيل العربيبالممر السريبتياب الدراويشولا تذلك رومازنوبيا اهربيلا اذا انا بهرب الارض ما بتهربكل شي عم يهربالمملكه السعيدهطفله الممالك هربت من ايديناخمس سنين حكمت زنوبيابنيت حضاره ثارت على روماخمس سنين يا غفله سريعه يا خمس سنينخمس سنينميه سنه بيمروا متل الطيربياكلهن الزمانزمان اللي بياكل كلس الحيطانبس اللي بيبقى اللي وحدو بيبقىشرف الوقفه صرخه بوج الظلمانهدم البرج انكسرالسورالعسكر هاجم صوب الملكه متل الاطفال اللي بدن يتخاطفوا اللعبهاهربي يا زنوبياوانتونحنا منبقىنحنا عشب الارضوالعاصفه بتمرق فوقبتكسر الورد العاليالورده انتوالعاصفه جايي تاخدك انتانا زنوبيا ملكه المملكه النبيلهلاجل الحريه بختار الموتاعطوني كاس الموتالملكه العظيمه رفضت الظلمواختارت الموتاختارت النسيانودعوا زنوبيا بموسم الدمعبصوت الفرحبورق الرمانيا موت يا زهره البطولهيا تاج الحياهوعطيه المحبه الخجولهيا موت هديني بايديخدني ع طرقات مفروشه بالنوم وسعيدهويا اهالي تدمرخمس سنين من العمر عشتوها احرارالكن سما وهويهواللي سكن الحريه يوم نهارما بقى تقدر روما تسلب منو الحريهكاسك يا موتاورليانوس الامبراطورزنوبيا ما الك مهرب من روما حتى بالموتاورليانوس انا برفض روما وسيطره روماانت تمردتنحن عم نتحرروعارفه مصيركعارفه مصيريبساحات روما مكبله بالحديدتمشي بالشوارعمغلوبه اسيرهويتفرجوا الناس ع الملكه الاسيرهاللي بدو يصير ما عاد يهمانا لعبت الدور والدورالمهملا تخدعي الناسصارحي الناس قوليلن انكسرتياورليانوس الانكسار بيمضى والانتصار بيمضىوبكرا بالايام تدمر اللي انكسرتروما اللي انتصرتتنينتهن حجار وانت وانا تمثالين بساحه الاثارلكن بكل زمان ومكان بدا تطلع روما تطغي وتظلموبدا تطلع تدمر ترفض الظلموباخر الاخربسهول الزمانبتنتصر تدمرتدمر الحريهتدمر الصرخه اللي بقلب الانسانكبلوا زنوبياخدوها على روماتتهدم اجسادنايحصدها السيف الحاصدتتبدد ايامنا ينهبها الوقت الراصداذا مننسى زنوبيا او صرخه زنوبيالوحوا بايديكن ودعوا زنوبياقولوا للشعرا يكملوا الاشعارقولوا للثوار يضلهن ثوارالمملكه تدمر انتهت من الارضصارت بالقلوب صارت بالمدارصارت الصرخه وصارت الناراورليانوس عجل خدني على روماعليت الصرخه كبرت على الموتلا عسكرك اورليانوس ولا قوه روما ولا كل روما بالدهر بتسكت هالصوتتتهدم اجسادنا يحصدها السيف الحاصدتتبدد ايامنا ينهبها الوقت الراصداذا مننسى زنوبيا او صرخه زنوبيازنوبيا زنوبيا زنوبيازنوبيا زنوبيا
اسمعي يا زنوبيا اسمعي
ابواق الرومان عم تعلن نهايه تدمر
تدمر يا نجمه المشارق
حاصرتك روما واستشهدوا ابطالك
لبصرى عم ينسمع نحيبك يا طفله الممالك
اهربي يا زنوبيا
عالخيل العربي
بالممر السري
بتياب الدراويش
ولا تذلك روما
زنوبيا اهربي
لا اذا انا بهرب الارض ما بتهرب
كل شي عم يهرب
المملكه السعيده
طفله الممالك هربت من ايدينا
خمس سنين حكمت زنوبيا
بنيت حضاره ثارت على روما
خمس سنين يا غفله سريعه يا خمس سنين
خمس سنين
ميه سنه بيمروا متل الطير
بياكلهن الزمان
زمان اللي بياكل كلس الحيطان
بس اللي بيبقى اللي وحدو بيبقى
شرف الوقفه صرخه بوج الظلم
انهدم البرج انكسرالسور
العسكر هاجم صوب الملكه متل الاطفال
اللي بدن يتخاطفوا اللعبه
اهربي يا زنوبيا
وانتو
نحنا منبقى
نحنا عشب الارض
والعاصفه بتمرق فوق
بتكسر الورد العالي
الورده انت
والعاصفه جايي تاخدك انت
انا زنوبيا ملكه المملكه النبيله
لاجل الحريه بختار الموت
اعطوني كاس الموت
الملكه العظيمه رفضت الظلم
واختارت الموت
اختارت النسيان
ودعوا زنوبيا بموسم الدمع
بصوت الفرح
بورق الرمان
يا موت يا زهره البطوله
يا تاج الحياه
وعطيه المحبه الخجوله
يا موت هديني بايدي
خدني ع طرقات مفروشه بالنوم وسعيده
ويا اهالي تدمر
خمس سنين من العمر عشتوها احرار
الكن سما وهويه
واللي سكن الحريه يوم نهار
ما بقى تقدر روما تسلب منو الحريه
كاسك يا موت
اورليانوس الامبراطور
زنوبيا ما الك مهرب من روما حتى بالموت
اورليانوس انا برفض روما وسيطره روما
انت تمردت
نحن عم نتحرر
وعارفه مصيرك
عارفه مصيري
بساحات روما مكبله بالحديد
تمشي بالشوارع
مغلوبه اسيره
ويتفرجوا الناس ع الملكه الاسيره
اللي بدو يصير ما عاد يهم
انا لعبت الدور والدورالمهم
لا تخدعي الناس
صارحي الناس قوليلن انكسرتي
اورليانوس الانكسار بيمضى والانتصار بيمضى
وبكرا بالايام تدمر اللي انكسرت
روما اللي انتصرت
تنينتهن حجار وانت وانا تمثالين بساحه الاثار
لكن بكل زمان ومكان بدا تطلع روما تطغي وتظلم
وبدا تطلع تدمر ترفض الظلم
وباخر الاخر
بسهول الزمان
بتنتصر تدمر
تدمر الحريه
تدمر الصرخه اللي بقلب الانسان
كبلوا زنوبيا
خدوها على روما
تتهدم اجسادنا
يحصدها السيف الحاصد
تتبدد ايامنا ينهبها الوقت الراصد
اذا مننسى زنوبيا او صرخه زنوبيا
لوحوا بايديكن ودعوا زنوبيا
قولوا للشعرا يكملوا الاشعار
قولوا للثوار يضلهن ثوار
المملكه تدمر انتهت من الارض
صارت بالقلوب صارت بالمدار
صارت الصرخه وصارت النار
اورليانوس عجل خدني على روما
عليت الصرخه كبرت على الموت
لا عسكرك اورليانوس ولا قوه روما
ولا كل روما بالدهر بتسكت هالصوت
تتهدم اجسادنا يحصدها السيف الحاصد
تتبدد ايامنا ينهبها الوقت الراصد
اذا مننسى زنوبيا او صرخه زنوبيا
زنوبيا زنوبيا زنوبيا

التبليغ عن خطأ