كلمات هجرتك ام كلثوم - كلمات اغاني
هجرتك
هجرتك يمكن انسى هواك
واودع قلبك القاسي
وقلت اقدر في يوم انساك
وافضي من الهوى كاسي
لقيت روحي في عز جفاك
بفكر فيك وانا ناسي
غصبت روحي على الهجران
وانت هواك يجري ف دمي
وفضلت افكر في النسيان
لما بقي النسيان همي
لو خطر حبك في بالي
والا زار طيفك خيالي
حاولت اهرب م الافكار
اللي تشعلل نار حبي
وفضلت وانا بالي محتار
في الحب بين عقلي وقلبي
وكان هجري عشان انساك
واودع قلبك القاسي
لقيت روحي في عز جفاك
بفكر فيك وانا ناسي
صعبان على جفاك
بعد اللي شفته في حبك
مش قادر انسى حبك
ايام ودادك وقربك
لكن اعمل ايه
وانا قلبي لسه صعبان عليه
صعبان عليه انه اتمنى
جنه قربك
ونال مراده
واتهنى بنعيم حبك
ورجعت تسقيه من
صدك كاس الهجران
وتفوت عليه ايام بعدك
سهد وحرمان
وكان املي في يوم انساك
واودع قلبك القاسي
لقيت روحي في عز جفاك
بفكر فيك وانا ناسي
ياما حاولت انساك
وانسى ليالي هواك
وانسى الجمال اللي شفته
في الوجود وياك
حرمت روحي من كل نسمه
كانت بتسري بينك وبيني
وحرمت روحي من كل نسمه
كانت بتحلي وياك في عيني
وقلت اعيش من غير ذكرى
تخلى قلبي يحن اليك
ما فضلش عندي ولا فكره
غير اني انسى افكر فيك
وصبحت بين عقلي وقلبي
تايه حيران
اقول لروحي من غلبي
انسي النسيان
ما دام باهجر عشان انساك
واودع قلبك القاسي
واشوف روحي في عز جفاك
بفكر فيك وانا ناسي