احب نور الشمس في وقت لغروب
يعكس شعاع النور من نور خلّي
وأحب لون البدر في خدّه يْذوب
ينسج خيوط الذَهبْ كل ما يهلّي
وانا خفوقي في الهوايات منكوب
مهما جرى له في الهوى ما استذلّي
يهوى ركوب الصعب في كل مركوب
والسهل عنده ما لقا له محلّي
وانا حبيبي له هوايات وأسلوب
دل ودلال وزود غنج وتغلّي
ايلاعب قلوبٍ وليعوب رعبوب
غرٍّ فتون وفتنته وين حَلّي
حل ابخفوقي بعد جولات وحروب
ولاني بندمانٍ على ما حصل لي
سلّمت له امري وما كنت مغصوب
هذي مروّاتي وهذا سجلّي
الحب هو مكتوب ما مِنْه مهروب
ولا عنْه للإنسان حول وحوّلي
وانا خبيرٍ له ولي صار منسوب
إدراه واراعيه لين اكتمل لي