كلمات مجنون انا تامر حسني
تامر حسني • من ألبوم بحبك انت • سنة 2013
مجنون انا
مجنون انا
وهو جنبي بنتخانق كتير اوي مابطيقش نفسي
وببقى نفسي نبعد وكل واحد فى حاله
وبتهون عليا العشره واقول طيب وماله
انا اقدر على بعده
ف هو يبعد
تنزل دموعي والوم ف نفسي ليه قولت يبعد
وارجع ف كل قرار اخدته من ناحيته
بلاقيني فجاة محتاج لحضنه حنيته
ولا بقدر ع بعده
ودا يطلع ايه
كل اللي فيه دلوقتي انا طب اعمل ايه
احساس وعكسه بحسه انا
انا مش قادر ولا يوم اكمل معاه
ولا اعيش من غير هواه ده اكيد مجنون انا
يغير عليا اقول ف سري يادي بقى الخنقه ديا
واروح اشوف حد اشتكيله م اللي حواليا
يهملني هو وارجع واموت م الحركه ديا
واسال ف نفسي ليه هو مش مهتم بيا
واقعد واقول انا نفسي حد يغير عليا
انا اتاكدت ان اللي انا فيه ده مشكله فيا
انا اللي مش عارف عايز ايه والعيب عليا
انا استاهل الحيرة دي
ودا يطلع ايه طب اعمل ايه
احساس وعكسه بحسه انا
انا مش قادر ولا يوم اكمل معاه
ولا اعيش من غير هواه ده اكيد مجنون انا
