كلمات لهفة مسافر حنان رضا

عسى الله يعود لي خلي

تراه مطول الغيبه

وانا ماقدر على بعده

كفاية بس تعذيبه

انا عارف عناوينه

مكانه ديرته وداره

حنيني لهفة مسافر

تعب قلبي على ناره

مدام مطول غيابك

وعادي صار نسياني

وناوي تغير الواقع

بعدها صعب تلقاني

مزاجي تعرفه أصلا

ولا يعجبني العادي

مثل غيم السما عالي

عنيد وما اصعب عنادي

تراني مشتري قربك

وبعت الكل علشانك

ومهما يصير في الدنيا

انا طير على اغصانك

اذا انته ناوي تتغلى

وتدلل علي كيفك

فداك عيوني يا عيوني

اعيش في بردك وصيفك