كلمات شيخة الزين عبدالهادي حسين - كلمات اغاني

شيخه الزين وش خليتي لغيرك

ما بقى للعذارى مدح وطاري

تاه كل الجمال بسحر تصويرك

منتهى الوصف حارت دونه افكاري

الله الله على روعه تعابيرك

كملك بالحلا سبحانه الباري

كل ما فيك ماقد شفته بغيرك

لا حشا في جمالك مالك مجاري

انت ياللي تعذبني بتفكيرك

راضي بك لو بك انك اصعب ادواري

في معاليق قلبي زاد تاثيرك

كل ماجيت يمك تاهت انظاري

صعب نسيان حبك صعب تغييرك

دام حبك حبيبي اجمل اقداري

والله ان الغلا لك فوق تقديرك

صادق الحب جيتك للغلا شاري