كلمات وجنة الشمس سعد جمعة - كلمات اغاني

من وين جيتي ياضيا وجنة الشمس

من وين يا ضحكة زمان الطفوله

يا طامسه ليل الشقي والاسى طمس

نورك ضوي ليلي بلحظة وصوله

ياللعجب كنت اذكرك ليلة الامس

وبشوفتك قلبي تزايد ذهوله

شفتك وكن العين قد مسها مس

انا اشهد ان لحظات شوفك مهوله

جيتي وصحيتي احاسيسي الخمس

مثل السحاب اللي سقاني هطوله

ياذروة الافراح والحب والهمس

وشلون حققتي مناي بسهوله

مدي كفوفك وامنحي كفي اللمس

حتى اصدق ما عيوني تقوله

واسهر معك ليلة لقى البرد و الشمس

قبل العمر يمضي وتجري خيوله