كلمات يا طويق عايض يوسف

طويق كل الجبال تطيح

من العين وانت الذي تكبر

وشوف العبل والسدر والشيح

عندي يساوي الذهب واكثر

وريح النفل في ثياب الريح

اطيب من المسك والعنبر

يا ديرتي والغلا تسبيح

سبحان من صورك وابهر

العطف من غيرك التجريح

والعز من دونك المظهر

يا طويق يا طويق يا طويق

لو تسعك يالجبال الضلوع

بنيت في الصدر قديه

مدينه من شغف وولوع

بموت وانوارها حيه

بالحيل مشروعنا مشروع

هيبه وعز السعوديه

منا بننزل نسير طلوع

للشمس ما نتبع الفيه

شق الصخر شيد البنيان

وحول على الكايد وهده

والله ما للعمل عنوان

غيره ولا في العطا نده

هذا متى عسكر الدخان

جاه العدو صاغر خده

يكفي يا محمد فخر واحسان

يبني البناء وغيره يعده

باكر يعم الوطن هتان

تبوك شرق العلا جده

يا شيخنا يهتف الوجدان

وهذا الجبل صوتنا يرده

الله ثم الملك سلمان

في اليسر وفي ساعه الشده

يا طويق كل الجبال تطيح

وانت الذي تكبر

يا طويق يا طويق