كلمات عقد الفل والياسمين محمد منير
عقد الفل والياسمين
تعالي نلضم اسامينا
الفله جنب الياسمينه
قنا سوهاج الاسماعيليه
بنت الصعايده بحريه
الاقصر غزاله محنيه
في اسكندريه ترسينا
انا رشيدي و دمياطي
و اخدك يا منصوره في باطي
و اغني و ارقص سنباطي
قبل القمر ما ينسينا
و عدي عالجيزه خفاجه
وردان دموعي الخفاقه
عيوني طلت يا رفاقه
من وادي حلفا على المينا
عاضفتين القي ربوعي
و عيد ميلادي و سبوعي
من كوم حماده ينبوعي
لجرجا ابريق الزينه
بلبيس حنلبس دبلتها
شربين شربنا في قلتها
بعد المحله ما حليتها
بنها العسل راح يشفينا
و دنشواي اسمها اصبح
اقل شاهد بيسبح
في المنزله الضي بيرمح
و في بحر يوسف سواقينا
و الشاي يا واسطي في السكه
نقعد يا منيا على الدكه
توصل بني سويف الضحكه
نلاقي اسيوط وسطينا
عصرت قلبي الجواني
على التراب الاسواني
رجع يا نوبه عنواني
كوم امبو رايقه و امينه
و طنطا شي لله يا سيد
و طهطا نفرح و نشيد
و نزور مغاغه و نعيد
في بورسعيد عالتراسينه
من السويس قلت ياللي
دي القنطره فجر التملي
و الوز الاخضر بيصلي
على القنايه من سينا
تعالي نلضم اسامينا
الفله جنب الياسمينا
