كلمات حلى الايام ميحد حمد

حلى الايام لي فيها عرفناكم

ليالي حلوه طاب السمر فيها

حييت روحي بشوفتكم ولقياكم

عقب ما كانت النفس الكدر فيها

تبادلنا وثوق الود وياكم

وكاس الحب دارت في لياليها

امر روحي حياه البال ما اغلاكم

بحبك تنتعش نفسي وتحييها

عن الباقين نفندكم ونهواكم

مودتكم لزوم انا نراعيها

لو تفرق بنا الايام ذكراكم

دواء لفواد وجروحي تشافيها

اسلي ضيقه الخاطر بطراوكم

ولي نفس بذكراكم بسليها

حياتي مهجتي والروح تفداكم

نظر عيني وما غيرك سكن فيها

وعشب القلب يتهنى بخطواكم

وتخضر ارض اقدامك مشت فيها

بحيث انك كريم النفس يمناكم

صخيه كالمخايل من معاليها

عسى الايام تلم الشمل والقاكم

ونشرب من المحبه عذب صافيها

ختامي حقق المولى نواياكم

ودنياكم لكم بالسعد يهنيها