كلمات الدوامه صباح الشحرورة - كلمات اغاني
الدوامه
الحب الخاطف له علامه
ياخدك ويلف بحور ياما
ويسيب القلب فى دوامه
وانا اصلي بحب الدوامه الدوامه
اصحى بالليل من غير داعي
على صوت من جوا بيندهلي
افرك في عينيا واقوم خايفه
الاقيني قصاد قلبي وعقلي
العقل يقولي سمي واناديه
والقلب شفايفه تودودلي
احتار والف بحور ياما
واسهر للصبح فى دوامه
وانا اصلي بحب الدوامه الدوامه
امشي فى السكه اشوف نفسي
كده حلوه وروحي عجباني
واتمنى اقابله ولو صدفه
ويشوف تسريحتي وفستاني
واكلم نفسي واقول يمكن شافني
وعينيه مش عرفاني
واهو بالشكل ده افكار ياما
خلتني عايشه فى دوامه
وساعات احلامي تضحكي
بحاجات ما انكرش انها حلوه
واشوف خيالات لو اسجلها
كنت اكتب في اليوم ميه غنوه
وساعات الضحكه الاقيها
غرقانه فى دموع الشكوى
وحالات من النوع ده كتير ياما
بتلف معايا فى دوامه
وانا اصلي بحب الدوامه
بقى هو الحب يا ناس ممكن
بالشكل ده يعمل ما بداله
ده انا شفته مره ما فيش غيرها
وما كانش حتى واخد باله
والمدهش انه خطف قلبي
ومبسوطه وراضيه وساكتاله
من يومها بلف بحور ياما
وبحس كاني في دوامه
وانا اصلي بحب الدوامه
معلومات عن الدوامه صباح الشحرورة
احصل على معلومات مفصلة عن العمل الفني، الملحنين، المؤلفين، والملاحظات
تسجيل الدخولحساب جديد