كلمات مثل الوهم بدر الحبيش

مثل الوهم بين الهواجيس خداع

مثل التعب لا صرت بالمشي مجبور

مثل الظما يرسم جفافه على القاع

مثل السهر في ليله ما بها نور

هذا الهوى واللي يجاريه يلتاع

يصبر على حمل من الضيم والجور

عيبك بخيل وعيب مغليك طماع

ومايرتوى لو يرتوى فيض وبحور

لو نتفق بالحب نفرق بالاطباع

لابد ما تلقى عذاريب وقصور

كم عاذل يركض ورى البعد سراع

ما يختلف بالطبع عن شاهد الزور

ماني بلباس للوفاء وجه وقناع

كرمت نفسي لو يقولون مغرور

اما تساعدني على حل الاوضاع

ولا تجنبني وعلى الخير مذكور

واليوم لا تبكي علي الحب لا ضاع

باكر ولا يمديك تجبير مكسور

يا صاحبي وان عود الحب خداع

بانسى التعب وامشى بلا قلب مجبور