كلمات هتانة الغيم خالد عبدالرحمن

هتانة الغيم لا برق ولا ديمه

اصحت سماي وسحابك ودع اوطاني

اقفى وانا اخايله غيمه ورى غيمه

وشلون ما حست الريح بضمى اغصاني

ما هل وبلك على حروة مواسيمه

وش عاد لا زل عنه الوسم واضماني

غبتي وكل الجروح بصدري مقيمه

والكلمة اللي بقلبي على لساني

لو كل طعنه من طعونك بتعليمه

ما صب للبعد كاس الشوق واسقاني

عزاي للحب قدر وللوفا شيمه

ولا المواجع على خبرك تحداني

وان كان باقي بقلبك للغلا قيمه

لا يكتب الوقت تجريحي ويقراني

واليوم لا غيم ولا برق ولا ديمه

ماغير اخايل سحاب ودع اوطاني

يكفي عقب ماطرك حلت معاسيمه

ثور عجاج التجافي هم واعماني