كلمات رياح الهم عادل الماس

بدايات الحزن كانت باول لحظه الميلاد

ونهايات الحزن ادري اموت وما الاقيها

تجرحت بزمن جاسي وكل ليله الالم ينعاد

انام ابكي واصحى ابكي ونفسي من يسليها

كابه الدنيا بعيني وجرحي بالحشا يزداد

كرهت الدنيا لكني ما اقدر اخليها

كبرت والاسى فيني وانا لدنيا الحزن منقاد

وحيل جروحي تتعبني ولا ادري وش تواليها

اكابر ارسم البسمه اصور دنيتي اعياد

اعلى ضحكتي وافرح ودمعه عيني اخفيها

برغم ان الشقى فيني وابد ما يخلف الميعاد

يجيني يبعثر افراحي وكل جروحي يدميها

ولكن الامل باقي وتنا كلي صبر وعناد

رياح الهم ما تقدر على الهامه توطيها