كلمات بجرب يوم جابر الكاسر

بجرب يوم واحد بس

اغيب شوي عن عينك

بشوف شلون تتحمل

تزعل ولا بس راضي

صدمني موقفك والله

ولا تسالني بس وينك

اثاري كل علاقتنا

زمن يمشي على الفاضي

انا مثل القمر عالي

نزل مره على شانك

لكن ما عرفت شلون

تخليني وسط عينك

انا مثل القصيده اللي

بغت تتغنى بالحانك

لحنت الصبا مغبون

عزفت جروحي بيدينك

انا مثل الذهب غالي

ملكته وزاد ميزانك

ارخصت الذهب مجنون

هدمت البيني وبينك

انا بسمه فرح كانت

وابقلب مصدر احزانك

وازيد من الجروح طعون

عذاب يسدد لدينك

انا ماجا على بالي

تجازيني بهجرانك

بكره عيونك يبكون

يذوق الملح خدينك

انا ما ارضى على حالي

اذوق الذل باحضانك

دام اليوم عادي يهون

توكل الله لا يهينك