كلمات على حسب جوري قطان

على حسب يمكن احن يمكن انساك

وش نيتي للحين الله اعلم

ما ودي استعجل و اصرح بفرقاك

و ماودي ارجع لك و بعدين اندم

جرحتني كم مره و اقول بانساك

و عساني من ظلمك و تعذيبك اسلم

و دام الغلا ما علمك شي و قساك

يمكن الى مني هجرتك تعلم

انت بيدك تقدر تعذبني وياك

وانت بيدك تقدر تنسيني الهم

ردة فعل قلبي تحددها برضاك

الامر عندك حله لو كان تهتم

اهواك طيب يعني وان كنت اهواك

شاللي خذيته منك احتاج افهم

قلبي اللي ضحى لجلك سنين و اعطاك

حب و وله شاللي عطيته تكلم