كلمات يا متسيد اسماعيل مبارك

يا متسيد و متاكد و متفرد على جالك

ياكل الوقت مانت اللي يجي في نوبه ونوبه

لك اللهفة لك النظرة لك الاحساس وعذالك

يعف الطهر لا ينزل سوا في صدر محبوبه

احبك غير عن كل الغرام اللي يجي بالك

غرام مامشى غيرك خطاه وصرت مكتوبه

واشوفك غير عن كل الوجيه اللي تهيالك

وعن من حاول يشابه حلاك وماني بصوبه

واحسك غير وانت اللي على الاحساس بلحالك

تنافس نفسك بصدر تضيق بدونك رحوبه

واضمك غير عن ضمة مولع لحظة وصالك

لانك روحي وردت من النظرات منهوبه

يامتمكن ومتطمن ولا تسكن سوا ذالك

خفوق مانبض غيرك غرام فيه بعذوبه

لك الهقوة لك البكرة لك اللي ما تهيالك

من احلام الغرام اللي قبل شوفتك مكذوبه

وتبين في السمى صورة تطل ولاحد طالك

وتجي في غفلتي ماكانت الجيات محسوبه

وفي عين الهوى تسري ويبدا فيه ترحالك

الين تعود في قلب عفى عن سابق ذنوبه

من غيرك ولو غيرك تمنى يوقف قبالك

امانه لا تناظر من لبس ثوب ماهو ثوبه

ابشكر من خلق حسنك وخلاني على بالك

وجابك من رجا قلب لقا بك كل مطلوبه