كلمات اول تنهيدة كاتيا فرح

باول ربيع العمر و سنين الغوى

ما كان قلبي بعد بالنار اكتوى

حسيت عا دقات قلبي تغيرو

لما وقفت وشفت بعيونو الهوى

لما وقفت قبالو عرفت

بعمري اول تنهيدي

حسيت لما عيونه شفت

بقلبي في دقه جديدي

تا يسلم قرب ليي

وغلو عيونه بعينيي

وصارت ترجف ايديي

لما لمسلي ايدي

وقفني وحدثني كتير

وعيون الناس علينا

عم تسال شو عم بصير

وليش عم تضحك عينينا

وهوي بسحرو اسرني

يحدثني و يسايرني

ومدري وين مطيرني

اخدني لدنيي بعيدي

خجلني قدام الناس

وخلاني قد الكمشي

قلتلو الموقف حساس

تركني صار لازم امشي

ما كان يقبل يبعدلي

عن دربي ولا حيدلي

الا لما قيدلي

نمره بيتو ع ايدي