كلمات المرايه نبيل الاديب

صاير شكلي يقهرني

من اوكف عالمراية

حلفتوا وتالي بعتوني

ابد ما عدكم حجاية

اذيتوني بالعشرة

بجيتوني كم مرة

لازم منكم اتبرة

وابد ميهمني فركاكم

بيني وبينكم الله

ماراح ابقى وياكم

وصلت حدها وترخص

من هاللحظة انساكم

احبكم جنت من قلبي

واسولف بيكم اهواية

مشيت وياكم مغمض

مشيتوا بحيلة وياية

عزة نفسي قوتني

ليش اليرحل اهتملة

صاير طبعي من تالي

ادور حجة واتخلة

عادي الفركة وانسوني

همزين انت بعتوني

واصل حاله صدكوني

بفلوس اشتري الزعلة

ظلت سالفة بكلبي

وهسة احجيها ماضمها

لازم جان من اول

عشرتكم احجمها

مالي قسمة بالطيب

ولا شفت الهنا بحبكم

لا باحزاني اجيتوني

ولا بالخير شايفكم

ولو هسة اني اعتب ليش

بين تالي معدنكم