كلمات من انت فؤاد عبدالواحد

من انت ياللي كلها اوصافك طيوف

مرت على بالي ولا اثرت في

من انت لك صوره ولا هزت الشوف

تشبه سراب ماروى روحي بمي

من انت يا عتمه ملي جوها الخوف

لاوسطها قمره ولا حولها ضي

ياوجه للماضي من الشمس مكسوف

لا سرني نورك ولا يهدي الفي

لايقترب طيفك ولا حولي يطوف

ماعاد لك في داخلي بالغلا شي

تحمل على كتفك من الجوخ والصوف

وبداخلك فارغ من الجرح يبكي

كنت احسبك شعر اطرز به حروف

يوم القصيد العذب يجري على ايدي

كنت احسبك بدر عن الكل مخسوف

مايلمحه غيري وانا بداخلك حي

كنت احسبك شامخ كما طويق معروف

خابت ظنوني فيك والكل يدري

انا اميره عز لي نجم موصوف

ماينحني راسي ولا الدمع يجري

مايرتقي بعيني سوى انسان له جوف

يحمل قلب نابض والاشواق يهدي

تجذبني الصحرا والازهار وخشوف

لو اهدت الغيمه طهر مزنها لي

ويملكني اللي ماشكى قسوه ظروف

لجلي وطى الجمره وصابر على الكي

قلبي مثل درع حنى فوقه سيوف

مايكسره سيفك وبالجوف محمي

لاتقترب وارحل وخذ معك مظروف

به صورتك ياانت وايام ماضي

لايقترب طيفك ولاحولي يطوف

ماعاد لك في داخلي بالغلا شي