كلمات مساء الخير محمد عبده

مساء الخير و الاحساس و الطيبة

مساء ما يليق الا باحبابي

مساء غير غصن الطير يحكي به

عن اللي مسكنه جفني واهدابي

هلا باللي احبه كثر تعذيبه

و كثر ما هو يغيب و كثر ترحابي

حبيبي هو ولو ما قصر الغيبة

و لو عن بسمتي قد طول غيابي

اعرفه زين و اعيتني اساليبه

عدوي يوم و يوم اقرب من اصحابي

ملكني بين ترغيبه و ترهيبه

يفارقني و هو واقف على بابي

به الصادق به الغارق باكاذيبه

يبي بعدي و دمعه بلل ثيابي

به القسوة به الرقة به الهيبة

به الضعف القوي به نشوة اغضابي

هلا باللي يصيب العطر بالريبة

يقول العطر انا زايل و يبقى بي

هلا باللي يقول الورد وش لي به

من المهدى انا او هو لاطيابي

هلا باللي علي يقسى و اماري به

هلا باللي ابد ما لان لعتابي

هلا باللي عجزت القى عذاريبه

هلا باللي تحبه كل اسبابي

مساء فاق كل الشعر ترحيبه

بجية من سكن قلبي و اهدابي

مساء فاض بالاحساس و الطيبه

مساء ما يليق الا باحبابي