كلمات جيتي عظيمة بدر الحمودي

كتبتك وركعت لجلك حروفي تستميح رضاك

وانا لو جفت عقول الدواهي بالشعر ابرق

نذر اني لروضها لهذا اليوم بس لرضاك

لانه يوم ميلادك وهي من مولدك تطرق

بصيد من السماء نجمه واباخذ من غصون الراك

وبناولك القمر كله ولو م جبتهم بسرق

وبجيب الريح من يدك تلاعب خصلتك وشفاك

ولا يطفي جمر حسنك وتبقى جمرتك تحرق

وعد جيتي عظيمه في تفاصيلك نهارك ذاك

وعد جيتي عظيمه من غروب الشمس للمشرق

وعد مثل السماء جيتي بعيده م نشوف اقصاك

وعد مثل البحر جيتي وكل من يجهلك يغرق

واذا ساقت لنا صدفه خطاوي رجلك وشفناك

ذكرنا الله على زينك ونبلع ريقنا ونشرق

وشوفي اليوم ميلادك فتحت لشمسه الشباك

ابي احضن اشعتها كاني حاضنك واعرق

انا اترجاك ي ربي تزيد بعمرها اترجاك

حياه من غيرها ي رب م ابيها ولا تفرق

وهذا بعض م عندي تعرفيني ولا يخفاك

باني اكره العادي كثر م اكره الازرق